Kitaab ke kuch panne...

Kitab ke kuch panne
Itne khaas honge...
Kabhi socha na tha!

Kuch faate se..
Kuch maile se..
Par fir bhi  jo dil ko chuule
Kuch itne khaas honge
Kabhi socha na tha..!


Unn panno pe
teri yaadein samete hue...
Chookar unhe aisa lage jaise
tumhe chu liya ho!

Sukhi seehai.. Fika rang... Purane panne..
Par lage jaise baas kal ki hi baat ho!


Ungliya sirhate sirhate..
Ekdum se lage..
Unn Aksharon main jaise jaan si aa gayi ho..!!
Woh hassi ke pal... Woh hassin sapne...
Lipte hue hai jaise!

Woh shararte... woh ruthna..fir manana
Nami aankhaein hokar bhi ... Labpon pe hassi de jate hai..!


Unn kagazon pe...
Shabd nahi.. 
Yaadein kaid hai...!
Alfaz nahi..
Jazzbat kaid hai..!
Pura jahan to nahi...
Par jo mera pura jahan hai..
Uske liye meri mohabbat kaid hai..!!


Ye kitaab nahi..
Mera guzra kal hai..!


Ye kitaab nahi..
Mere zakhmon ka marham hai..!


Ye kitab nahi..
Mere liye..Tumhara saaya hai..!


Ye kitab nahi..
Mere liye aab baas jine ka sahara hai..!


Isi liye shayad..
itna khaas hai..
Ye itna khaas hai..!


-its SR
30/06/2017